Enda Ndurabit i Namo Ling-Ling
Enda Ndurabit Muatsa Erkeneng
Enda Merambit Si Beru Ginting
Gia Merambit Jelmana Perkeleng
Tande Bero Ku Batang Buluh
Enda Buluh Si Buluh Lidi
Nande Karo Memang Perpusuh
Gia Perpusuh Tapi Beluh Encari
Embusken Angin Jemolah Jemole
Jemolah Jemole Si Pola Lambe
Kudateken Nde Nangin Beluh Rende
Beluh Rende Rupa Pe Mejile
Kusibar-Sibari Si Buluh Pering
Enda Kusibari Ngukur Gedangna
Persabar-Sabar Kam Si Beru Biring
Gia Persabar Ukurna Pedalanna
Enda Darami Bulung Surindan
Ku Jumpai Tinaruh Ndukur
Enda Metami Si Beru Tigan
Enggo Metami Beluhka Rukur
Kayang-Kayang i Sanggar Pura
Bulung Sena Jemolah Jemole
Nande Bayang Mekacar Jelmana
Tarun Ngerana Lupa ia Melihe
Bolo-Bolo Menda Laguna
Enda Santun Si Ngendekenca
Ola Kam Merawa Beru Si Lima
Aku Erpantun Ngenda Ngenca
oleh Fitri Zera
Leave a Reply