Persiapen Perjabun Kalak Karo

Tulisen enda sangana i edit denga, jadi melala dengan nge kari si i tambahken ;) sabar kam nimaisa, adina lit penungkunenndu ban bas komentar. Bas piga-piga wari enda kari i update kami gambar-gambar pendukungna

Adina singuda-nguda ras anak perana enggo erteman-teman, ersura ka menda ia duana njabuken bana. Ibas sienda melala denga si man pesikapenken gelah kerinana erdalan teratur. Jenda kutulisken piga-piga siman pesikapenkenndu gelahna ula nai lit sitading-tading.

Sen

Enda salah sada si pentingna, adina gundari rata-ratana sibuat, kerja perjabun enda ndai keri buena 50.000.000 (50 juta). Silang-langna enda enggo lit i cikepndu ntah pe orang tuanta.
Sen pecahen 2 ribu, ras 5 ribu gelahna gesteng senna banci i pindondu ku bank, adina mbue biasana harus seminggu sebelumna kita mindosa ku bank.

Lagu

Melala kalak ndarami lirik lagu karo si khusus man kalak erjabu, situhuna labo perlu milih lagu sibiasa endeken kalak bas perjabun. Jenda enggo lit piga-piga lagu si banci i pilihndu bas Lagu Erjabu

Mbaba Belo Selambar

Enda melala ka si ngatakensa Ngembah Belo Selambar, ertina seri nge enda. Biasana MBS enda labo ndekah, adina ban jumpa erpagi-pagi bas jambur, dung kensa man ciger kari enggo menda dung.

Pasu-Pasu

Pasu pasu enda gundari nina kalak pemberkatan (man si perwari minggu), i jenda me kita i pasu-pasu pastor/pendeta gelahna enggo sah jadi pasangen ibas agama masing-masing. Situhuna asa jenda enggo sah pasangen enda ndai jadi sada keluarga kitik (dilaki/diberu suami/istri perbulangen/ndehara). Prosesna beda tiap-tiap gereja, adina si Islam la kueteh (adina lit kam simeteh ngata kam bas komentar). Tapi bas kita kalak kalo enda saja lenga bo bias, jadi i tambahi ka me bas kerja adat, gelahna enggo resmi kita bas tengah-tengah kalak karo, jadi kalak karo ;).

Kerja Adat

Bas kita kalak karo enda me intina, bas jenda me kari i bereken man banta surat perjabun bas kalak karo, enggo kenca si teken (tanda tangan). Adina ngurus cataten sipil kari ateta enda perlu sibaba

Contoh

Melala erbage-bagena kerja kalak erjabu enda ndai, si tading ia bas kedauhen enggo menda buen banna bagenda, contoh kalak enda erjabu atena bas bulan April 2016 enda.
Bulan 2 : Ngembah Belo Selambar (tunangan) enda la pe je si erjabu atena la masalah.
Bulan 4 : Sabtu erpagi-pagi (Pasu-pasu), Minggu (kerja adat).
ntah pe
Bulan 4 : Sabtu erpagi-pagi (Ngembah Belo Selambar), Karaben (Pasu-Pasu). Minggu (Kerja Adat)

Cataten Sipil

Ngurus cataten sipil bas taneh kari e me kap ibas kantor bupati Karo.
Enda kuban contohna bas taneh karo, si man pesikapen eme kap :
– Fotocopy surat pasu-pasu (arah gereja). Adina bas katolik dung kam pasu-pasu banci pindo ku sekretariat ingan surat-surat kanonikndu i kirim ntah pe i bereken.
– Pasphoto gandeng 4 cm x 6 cm 3 lembar. Dilaki kanan diberu kiri, latarna (background) warna megara.
– Surat pengantar arah kepala desa (intina surat enda ngataken kam lenga pernah erjabu)
– Foto copy e-ktp dilaki diberu.
– Foto copy kartu keluarga. Perban si erjabu lenga lit kartu keluargana jadi si man baban emekap kartu keluarga orang tuanta masing-masing.
– Surat ijin arah atasen (man TNI/Polri)
– 2 kalak saksi, kalak enda harus enggo lebih 19 tahun. sekalin ras fotocopy KTP-na, saksi enda kari i pindo tanda tanganna.
– Isi formulir si bereken petugas cataten sipil.
– Waktu ngurus Cataten Sipil harus duana kita reh, perban kita pe duana harus tanda tangan.

Katolik

Adina bas Katolik,
– Surat peridin, kita harus enggo i peridiken (pindo surat peridinndu simbaru ku paroki)
– Sakramen Krisma, adina lenga kam ngaloken sakramen krisma, enda la jadi masalah kel).
– KPP (Kursus Persiapan Perkawinan) enda dekahna 3 kali perjumpan. Tapi arah pagi-pagi nari asa karaben.
– Kartu Keluarga Katolik, urus bas inganndu tading.
– Kanonik
adina kawin campur (katolik – kristen, katolik – Islam) enda perlu kam konsultasi man pastor paroki.

GBKP

Man banta si meteh aturen bas GBKP banci i sharendu bas komentar.

Islam

Man banta si meteh aturen bas Islam banci i sharendu bas komentar.

Agama labo jadi masalah bas perjabun kalak karo :), kai pe agamata banci nge ban kerja adatna. Sebab bas adat perjabun labo pernah i bahas kai agamandu.

Sada si harus i inget emekap tukur bas kalak karo labo bali ras nukur rubia-rubia (hewan), contoh adina kita nukur rubia-rubia bereken sen mis banta rubia-rubia e. Adina bage si ban bas kalak karo minter guntar ;). Ibas tukur enda lit sada aturen si harus i dalanken emekap tukur si manteki kuta

  • la banci i ganjangi
  • .